CHARLAS DE NUTRICIÓN

O ALUMNADO DE 6º E.P., 1º ESO  E 2º DA ESO PARTICIPOU NUN TALLER SOBRE ALIMENTACIÓN E AZUCRE.

RESULTOU MOI INTERESANTE E POSTERIORMENTE FIXERON VARIOS TRABALLOS SOBRE O TEMA, QUE QUEDARON EXPOSTOS EN DISTINTOS ESPAZOS DO NOSO CENTRO. 

ESTA É UNHA PEQUENA MOSTRA DAS ACTIVIDADES QUE REALIZARON OS ALUMNOS E ALUMNAS PARTICIPANTES. 

ENTROIDO 2024

Desde a nosa biblioteca animámosvos a participar nas actividades para celebrar unha festa tan nosa como é o Entroido.

 

 

 Comezamos a semana cos mandados do Meco, para rematar no noso día grande, que será o venres, cun desfile de Entroido en Albán, no que tamén participarán outros colexios e institucións da contorna. 

 

 

VEÑA TOD@S A ENTROIDAR!!!

 

 teatro de títeres

Dentro das actividades programadas para a celebración do día do libro, incluímos varias sesións de animación á lectura. 

Neste caso, é o turno do alumnado de 2º B, que preparou tres contos para representar nun teatro de títeres: 

Un dos contos elexidos foi: O paraugas de cebra.

Tamén nos contaron: Unha caixa.

E, por último, representaron: Guapa.

Moitas grazas a todo o alumnado de 2º B polo seu traballo e, por suposto á profe Sabrina pola súa colaboración coa biblioteca. Os máis pequenos pasárono en grande!

Velaquí os actores e actrices trala súa actuación estelar. 

 Abril: mes do libro.

Contacontos a cargo de Sabela Gago.

Neste mes temos unha chea de actividades na nosa biblioteca como preámbulo para o 23 de abril, no que celebraremos o día do libro. 

Para comezar, un ano máis contamos coa presenza da contacontos Sabela Gago. 

Coma en anos anteriores, os máis pequenos pasárono en grande porque ademais de escoitar unha historia moi divertida, participaron activamente na narración. 

           21 de marzo: día da poesía  

O 21 de marzo celebramos o día da poesía. O noso cole encheuse de fermosas poesías. 

Ven visitar os nosos taboleiros e colle as referencias para ler os poemarios completos. 

Podes coller as obras que che interesen na nosa biblioteca. 

ESPERÁMOSTE!!!

                             Día de Rosalía. 

O día 23 de febreiro celébrase o día de Rosalía de Castro. 

Coma en anos anteriores, fixemos unha escolla de libros da autora para poñer é disposición, tanto do noso alumnado coma do profesorado, para as distintas actividades que realizamos no centro. 

Ademais, contamos coa colaboración da mestra de plástica de 6º de primaria, que contou coa axuda dos colaboradores de biblioteca para decorar o "hall" nesta data tan sinalada para nós. 

O noso alumnado realizou diversos traballos que expuxemos nos taboleiros do centro. Estes son algúns dos traballos realizados: 

Os máis pequenos tamén nos fixeron a súa aportación para esta data. Velaquí temos os nenos e nenas de 2º de Primaria coa manualidade que fixeron neste día: 

       CHEGOU O ENTROIDO! 

Como en cursos anteriores, desde a biblioteca animamos a toda a comunidade escolar a celebrar o Entroido ao grande. 

Para ir quentando motores, a biblioteca fai os mandados do Meco, na que participa tanto o alumnado coma o profesorado. 

Este ano, fixemos dous Mecos. Para o primeiro, puxemos a nosa mascota Faildiño, na entrada de primaria. Pero ademais, puxemos outro meco, na entrada de secundaria, para que tanto grandes coma pequenos tiveran acceso aos mandados.