miércoles, 17 de mayo de 2017

DÍA DAS LETRAS E CARLOS CASARES

A biblioteca dispón de bastantes obras de Carlos Casares e biografías que se puxeron á disposición do centro para a súa utilización en diferentes actividades. Tamén durante or recreos desta semana se proxectaron vídeos sobre o autor e a súa obra. Elaborouse un mural xigante coa súa caricatura, un texto do autor e traballos do alumnado. Expóñense as caricaturas do concurso. Na biblioteca faise un roteiro polo Ourense de Casares. Lense e escenifícanse os seus contos...


miércoles, 10 de mayo de 2017

BIBLIOTECAS SOLIDARIAS COS NOSOS MAIORES

Hoxe foi o día programado para a visita á residencia "As Carballas". Levabamos varios días ensaiando as nosas lecturas:
"Adiós rios, adiós fontes" de Rosalía de Castro.
"Un millón de vacas" de Manuel Rivas.
"Sobre a morte de Bieito" de Rafael Dieste.
"A ra que odiaba a súa lingua" do EDLG deste centro.
"Ramón e burro do alcalde" de Mario Pereira.
"O home que non sabía que facer" de Sechu Sende
Foi unha experiencia moi reconfortante, aplaudíronnos moito e pedíronnos que voltásemos o vindeiro curso.

martes, 9 de mayo de 2017

DÍPTICOS DOS ESCULTORES OURENSÁNS



Os alumnos/as de 6º de Educación Primaria realizaron uns dípticos dos escultores traballados no proxecto, indicando as obras máis importantes na cidade de Ourense, a súa situación e a data de colocación.

viernes, 5 de mayo de 2017

PREPARAMOS A BIBLIOTECA PARA RECIBIR ÁS LETRAS GALEGAS

Nesta época comezamos a preparación deste día especial:
-Buscamos (o alumnado encargado) o fondo bibliográfico de Carlos Casares.
-Adquirimos obras novas.
-Documentámonos para a elaboración dun artigo para a revista escolar sobre  autor e obra.
-Buscamos unha reflexión do autor para a elaboración dun panel xigante.
-Expoñemos todos os libros catalogados sobre o mesmo.
-Elaboramos un cartel anunciador.
-Planificamos actividades actividades, visitas de escritores, teatro...

lunes, 24 de abril de 2017

CARTEL DO DÍA DO LIBRO

 Este cartel támén será a portada do noso libro que xa está tomando forma.


jueves, 20 de abril de 2017

DíA DO LIBRO

Para celebrar esta ocasión propoñemos a confeción dun Libro creado por todo o noso alumnado, dende os máis pequenos (colaborarán con debuxos os que aínda non saiban ler) ata os de 4º da ESO.
O tema será: As viaxes de Faíldiño,  e esta é a carta enviada pola nosa mascota a todos os grupos:


Ola amiguiños e amiguiñas!
Xa estamos no terceiro trimestre e pouco nos queda para verán, vouvos pedir un último esforzo e prometo que será de verdade:
Polo Día do Libro (23 de abril) queremos facer un para a nosa biblioteca, empezarán os máis pequenos e seguirán por orde cronolóxica ata chegar aos maiores. Este libro quedará na biblioteca para que todos e todas o poidamos ler.
Eu tamén, que vou quedar so todo o verán, farame compaña estes meses sen vós.
O Equipo de Dinamización da Lingua Galega tamén me pide que axudedes na revista “Furafollas” . Con todo o que se vos ocorra, pero haberá concurso de comics e 
portadas no que tamén podedes participar.
Ánimo! Que queda pouco!
Ah! e prometédeme SER FAILDEFELICES!!!
cartel homenaxe

domingo, 9 de abril de 2017

DECORAMOS CUN POEMA

O equipo de biblioteca decidíu decorar as escaleiras con poemas. O primeiro tramo delas cun poema de Gustavo Adolfo Bécquer, axeitado ao alumnado de Infantil e Primaria e no seguinte tramo cun poema de Celso Emilio Ferreiro, axeitado ao alumnado de Secundaria. Ambos os dous falan do concepto de POESÍA. A idea sería cambialos todos os anos e seguir aumentando.